FØROYA BYGGIFRØÐINGAFELAG

Føroya byggifrøðingafelag bjóðar hervið øllum limum felagsins at vera vælkomnar á byggipláss vitjan hjá Landsapotekaranum, sum er í gongd við eina stóra umvæling, har goymslu- og framleiðsluhøllin verður broytt til skrivstovu og fundarhølir.

Vitjanin verður mikudagin tann 25. juni, klokkan 16:00. Hjá Landsapotekaranum á Staravegi 15 í Tórshavn.

Ikki limir sum ynskja at luttaka kunnu tekna seg sum lim áðrenn ella á byggipláss vitjanini.
Ikki er neyðugt at tekna seg til tiltaki, men boða frá á teldusposti umsiting@fb.fo , so vit fáa eina hóming av hvussu nógv vit vera.

Øll sum koma við, skula hava egnan hjálm, trygdar skógvar og endurskinsvest við.

Tiltakið er ókeypis.

Byggifrøðingafelagið bjóðaði herfyri øllum byggifrøðingum við áhuga, á byggipláss vitjan á Miðnámsskúlanum í Kambsdali, sum fær nýggj felagshøli og skúlastovur til alis- og evnafrøði og landalæru fakini.

Tað var Oluf í Toft hjá Búsetur sum vísti okkum runt og greiddi frá.

Vitjanin var mikudagin tann 04.06.2025.

Byggifrøðingafelagið bjóðaði herfyri øllum byggifrøðingum við áhuga, á byggipláss vitjan á stórhøllini við Tjarnir.

Tað var Eyðfinn Guttesen hjá Articon sum vísti okkum runt og greiddi frá.

Vitjanin var mikudagin tann 03.07.2024.

Byggifrøðingafelagið bjóðaði herfyri øllum byggifrøðingum við áhuga, byggipláss vitjan í Sandoyartunnlinum.

Tunnilin er næstan liðugur og verður seinasta hond løgd í arbeiði áðrenn tunnilin letur upp tann 21. desembur. Vit fingu høvi at síggja tunnilin áðrenn hann letur upp fyri almenninginum.
Tað vóru Petur Asbjørn Lervig hjá NCC og Klæmint Eliasen hjá Spenn, ið vístu okkum runt og greiddu frá.

Vitjanin var týsdagin tann 12.12.2023 kl 16.00.

Byggifrøðingafelagið bjóðar her við øllum byggifrøðingum við áhuga, at vera vælkomnar til byggi pláss vitjan í Stokkastovuni á Tinganesi í Tórshavn.

Av tí at tað er nakað trongt á hesum arbeiðsplássinum, verða bert pláss fyri 15 limum til vitjanina. Men vit fara at skipa fyri øðrum vitjanum á Stokkastovuni aftur seinni.

Stokkatovan verður í løtuni umvæld av serfrøðingum í gomlum byggisium. Handverkarnir sum takast við hetta arbeiði, eru úr Norra og Svørríki, og fáa hjálp frá Føroyskum handverkarum eisini.
Tað verður Bárður í Baianstovu frá Landverk, ið kemur at vísa okkum runt og greiða frá arbeiðnum. Nevnast kann at mest nýttu amboðini hjá handverkarunum í hesi verkætlanini eru øksir og nógvar donkraftir.

Vitjanin verður hósdagin tann 19.10.2023 kl 16.30,  vit møta uttanfyri byggiplássið við Stokkastovuna.

Møti stundisliga.

Øll sum koma við, skula minnast til at hava egnan hjálm, trygdar skógvar og endurskinsvest við.

Tiltakið er ókeypis.

Byggifrøðingafelagið skipar fyri túri til Klaksvíkar, leygardagin tann 23. septembur. Vitja verður í Varpinum, í Klaksvíkar róðrarfelag, í Húsarhaldsskúlanum, á Nólsoyar Pálsgarðinum og til seinast í Tunnlunum norður um Fjall.

Tað verða ávikavist Dávur Winther, Mangnus Norðberg, Áki Troest, Archibald Black, Ernst Vágsgarð og Karl Vang, ið koma at vísa runt og greiða frá á ymisku plássunum.

Túrurin byrjar á Farstøðini í Tórshavn kl.9, har vit koyra við bussi til Klaksvíkar. Og endar túrurin aftur í Tórshavn um 16 tíðina.

Møti stundisliga.

Øll sum koma við, skula minnast til at hava egnan hjálm, trygdar skógvar og endurskinsvest við.

Tiltakið er ókeypis.

Byggifrøðingafelagið bjóðar her við øllum byggifrøðingum við áhuga, at vera vælkomnar til byggi pláss vitjan á útstykkingina á Argja Hamri.

Tað verða Jóannes B. Lamhauge frá Býarskipanardeildini og Fríður P. Dalsgarð býarverkfrøðingur, ið greiða frá verkætlani av útstykking til 193 bústaðir við meira, frá prosjekt byrjan, hugskot, hvat er status í dag og kritikkpunkt.

Vitjanin verður mikudagin 13.09.2023 kl 15.30,  vit møta á Argja Hamri við rundkoyringina.
Møti stundisliga.

Øll sum koma við, skula minnast til at hava egnan hjálm, trygdar skógvar og endurskinsvest við.

Tiltakið er ókeypis.

Byggifrøðingafelagið bjóðar her við øllum byggifrøðingum við áhuga, at vera vælkomnar til byggiplássvitjan uppí byggingini av langhyli til svimjihylin.

Vit fara at hyggja uppá verkætlanina, sum er ein uppí bygging av verðandi svimjihyli. Hesin bygningurin er bygdur við einari serstakari yvirtrom. Vit koma fyrst at hoyra um verkætlanina og síðan verður fari út á byggiplássi, at síggja tí serstøku yvirtromina ið nýliga er reist.

Vitjanin verður mikudagin tann 12. juli, klokkan 15:30.
Møti stundisliga.

Øll sum koma við, skula minnast til at hava egnan hjálm, trygdar skógvar og endurskinsvest við.

Tiltakið er ókeypis.

Hugt verður eftir einum nýggjum bygningi í 4 hæddum, og vit koma at hoyra um:

• tankar og avbjóðingar við at fáa ein snøggan og vælskipaðan bygning at passa inn í tað staðseting sum er givin á staðnum.
• avbjóðingar og loysnir við hitabjálving og kuldabrúgvum.
• fasadu- og dekkloysnir.
• upphitan av bygningi.
• innrætting.

Vitjanin verður fríggjadagin tann 30. juni, klokkan 16:00.
Møti stundisliga.

Øll sum koma við, skula minnast til at hava egnan hjálm, trygdar skógvar og endurskinsvest við.

Tiltakið er ókeypis.

Byggifrøðingafelagið bjóðar hervið øllum byggifrøðingum við áhuga, at vera vælkomnar til byggipláss vitjan á Sambýlinum á Mýruni í Tórshavn.

Vit fara at hyggja uppá verkætlanina, sum er eitt sambýli fyri almannaverkið. Hesin bygningurin er í stóran part settur upp av elementum, sum eru framleidd í eini høll, fyri síðan at verða flutt út á plássið og reist. Á vitjanini leggja vit serligt fokus á hendan arbeiðsháttin.

Vitjanin verður mikudag tann 6. juli, klokkan 16:00.
Møti stundisliga.

Øll sum koma við, skula minnast til at hava egnan hjálm, trygdar skógvar og endurskinsvest við.

Tiltakið er ókeypis.

Føroya byggifrøðingafelag bjóðar hervið øllum byggifrøðingum við áhuga, at vera vælkomnar á byggipláss vitjan í íbúðarbyggingini á Fløtum í Tórshavn.

Vitjanin verður í morgin mikudagur tann 19. mai, klokkan 15:30.
Møti stundisliga.

Vegna Korona er enn umráðandi at tekna seg til tiltakið, vit ynska at halda luttakara talið til 20 persónar. Tað verður við “først til mølle” prinsippinum. Tit sum longu hava boða frá eru enn á listanum, kunnast kann um, at í verandi løtu eru pláss fyri 6 luttakarum aftrat.

Boða frá á teldusposti umsiting@fb.fo, tygum fáa svar um tú er við ella komin á bíðilistan.

Øll sum koma við, skula hava egnan hjálm, trygdar skógvar og endurskinsvest við. Eisini vilja vit minna á, at hava masku við.

Tiltakið er ókeypis. Felagið bjóðar kaffi aftaná.