Á aðalfundinum sum var hildin tann 29. apríl, stóðu Helgi Johannesen, Sonni Seyer og Kristian Niclasen fyri vali. Allir stillaðu uppaftur og vóru afturvaldir í tvey ár. Ein eykalimur stillaði upp.
Fríggjadagin, hin 12. mai var fyrsti nevndarfundur eftir aðalfundin. Nevndin skipaði seg soleiðis:
Helgi Johannesen – Formaður Anton Arge – Næstformaður / Umboð í AKF Sonni Seyer – Skrivari og kassameistari: Óla Jákup Bech – Nevndarlimur Kristian Niclasen – Nevndarlimur Dávur Winther – Tiltakslimur (ikki við á myndini)
Á myndini frá vinstru: Kristian Niclasen, Anton Arge, Helgi Johannesen, Óla Jákup Bech og Sonni Seyer.
Ársaðalfundur verður á Hotel Hilton í Tórshavn, leygardagin tann 29. apríl kl. 17:00.
Skrá smb. lógum felagsins. Er aðalfundurin ikki viðtøkuførur, verður eykaaðalfundur kl. 17:15
Áðrenn aðalfundin kl. 15:00 verður skipa fyri byggiplássvitjan í framleiðsluhøllini hjá Articon og síðani á byggiplássinum í Reynstúni á Argjum, har Articon uppførir eitt sambýli fyri Landsverk og Almannaverkið. Møtt verður á Hotel Hilton, bussur koyrur frá hotellinum kl.15, møti í góðari tíð. Kaj Wacher, byggileiðari hjá Articon, kemur at greiða frá framleiðsluni av elementum til byggiverkætlanina.
Nevndin hevur fýra uppskot um broytingar í viðtøkum felagsins, umframt hetta leggur nevndin eisini fram uppskot um broyting í limagjaldinum. Nærri kunning verður send tykkum í telduboðum.
Allir byggifrøðingar eru vælkomnir á aðalfund, men skula boða frá luttøku til byggiplássvitjanina. Einans limir felagsins eru bodnir í veitlsu eftir aðalfundin.
Vit fara at hyggja uppá verkætlanina, sum er eitt sambýli fyri almannaverkið. Hesin bygningurin er í stóran part settur upp av elementum, sum eru framleidd í eini høll, fyri síðan at verða flutt út á plássið og reist. Á vitjanini leggja vit serligt fokus á hendan arbeiðsháttin.
Vitjanin verður mikudag tann 6. juli, klokkan 16:00. Møti stundisliga.
Øll sum koma við, skula minnast til at hava egnan hjálm, trygdar skógvar og endurskinsvest við.
Tiltakið er ókeypis.
Udgivet iTíðindi, Tiltøk|TaggetByggiplássvitjan|Kommentarer lukket til Limatiltak: Byggiplássvitjan á Sambýlinum á Mýruni
Á aðalfundinum sum var hildin tann 19. mars, stóðu Anton Arge og Óla Jákup Bech fyri vali. Báðir stillaðu uppaftur og vóru afturvaldir í tvey ár. Ongir eykalimir stillaðu upp og eru tí ongir eykalimir í nevndini. Somuleiðis var ongin sum stillaði upp til grannskoðara.
Mikudagin, hin 6. apríl var fyrsti nevndarfundur eftir aðalfundin. Nevndin skipaði seg soleiðis:
Helgi Johannesen – Formaður Anton Arge – Næstformaður / Umboð í AKF Sonni Seyer – Skrivari og kassameistari: Óla Jákup Bech – Nevndarlimur Kristian Niclasen – Nevndarlimur
Á myndini frá vinstru: Kristian Niclasen, Sonni Seyer, Helgi Johannesen, Anton Arge og Óla Jákup Bech.
Ársaðalfundur verður í hølum felagsins, í Tvørgøtu 3, leygardagin tann 19. mars kl. 20:00.
Skrá smb. lógum felagsins. Er aðalfundurin ikki viðtøkuførur, verður eykaaðalfundur kl. 20:15
Áðrenn aðalfundin kl. 19:00 verður ein fyrilestur um, um- og útbyggingina av Norrønu í 2021; Jóhan av Reyni, maritimi stjóri hjá Smyril Line, kemur at greiða frá gongdini við hesi umbygging.
Ongi uppskot til broytingar í viðtøkum felagsins hava verið fyri nevndini, seinasta freist at senda inn uppskot til broytingar er 5. mars.
Á limafundi hin 8. desembur 2021, vóru øll limafeløgini í AKF saman við nevndini, á einum málið samd um, at stórur tørvur er á betur skipaðum viðurskiftum, hjá álitisfólkum kring landið. Við hesum var semja um, at AKF og feløgini í 2022 skula gera meir við hetta arbeiðið.
Fyrsta liðið er, at skipa fyri einum felags álitisfólkavalið fyri allar AKFarar. Soleiðis at vit øll skipa okkum og boða frá aftur til AKF, um hvør er valdur til álitisfólk á virkjum og stovnum kring landið. Hesin leistur skal síðan halda fram, soleiðis at vit annað hvørt ár skipa fyri ein felags valið. Sí kunningarskriv frá AKF í leinkju.
Velji álitisfólk
AKF fer síðan undir arbeiðið at skipa fyri kunnandi fundi um skyldur og heimildir hjá álitisfólkum, umframt at skipa fyri álitisfólkaskeiðið seinni á árinum.
Við fakfelagskvøðu
Byggifrøðingafelagið.
Føroya Byggifrøðingafelag er eitt fakfelag, ið hevur til endamáls at virka fyri arbeiðis- og lønarkorum limanna.
Vit vilja við hesum kunna um, at spurnakanningin “Arbeiðið og tú” er farin av bakkastokki. Hetta er ein kanning, sum hevur til endamáls at kanna arbeiðsumhvørvið hjá føroyingum. Sí meira um kanningina her: health.fo/verkætlan
Føroya Byggifrøðingafelag skal við hesum heita á allar byggifrøðingar um at svara hesi kanning og verða við til at seta sjóneyga á arbeiðsumhvørvið í Føroyum. Leinkja til spurnarblaðið er her: Vælkomin til spurnakanningina (health.fo)
Kanningin hevur til endamáls at lýsa ymsar síður av arbeiðsumhvørvinum hjá tí einstaka føroyinginum eldri enn 18 ár. Við at savna inn vitan um títt sálarliga og likamliga arbeiðsumhvørvi, ynskja vit at vera við til at betra um arbeiðsumhvørvið hjá arbeiðstakarum í Føroyum.
Verkætlanarleiðari er Annika Helgadóttir Davidsen, sálarfrøðingur og phd Teldupostur: annika@health.fo
Vitjanin verður í morgin mikudagur tann 19. mai, klokkan 15:30. Møti stundisliga.
Vegna Korona er enn umráðandi at tekna seg til tiltakið, vit ynska at halda luttakara talið til 20 persónar. Tað verður við “først til mølle” prinsippinum. Tit sum longu hava boða frá eru enn á listanum, kunnast kann um, at í verandi løtu eru pláss fyri 6 luttakarum aftrat.
Boða frá á teldusposti umsiting@fb.fo, tygum fáa svar um tú er við ella komin á bíðilistan.
Øll sum koma við, skula hava egnan hjálm, trygdar skógvar og endurskinsvest við. Eisini vilja vit minna á, at hava masku við.
Á aðalfundinum sum var hildin tann 27. februar, stóðu Kristian Niclasen, Helgi Johannesen og Sonni Seyer fyri vali. Allir stillaðu uppaftur og vóru afturvaldir í tvey ár. Karl Martin Klein yngsti at verða tikin úr nevndini í úrtíð, fyri Karl Martin stillaði Óla Jákup Bech upp og var valdur. Hetta er tó galdandi í 1 ár, og skal Óla Jákup tú aftur veljast inn á næsta aðalfundi. Hetta tí at nevndin fast hevur val fyri ávikavist 2 og 3 limum á hvørjum aðalfundi. Anton Arge og Óla Jákup standa fyri vali komandi ár. Ongir eykalimir stillaðu upp og eru tí ongir eykalimir í nevndini. Somuleiðis var ongin sum stillaði upp til grannskoðara. Nevndin arbeiðir fyri at finna grannskoðara til roknskaparárið 2021.
Mánadagin, hin 19. mars var fyrsti nevndarfundur eftir aðalfundin. Nevndin skipaði seg soleiðis:
Helgi Johannesen – Formaður Anton Arge – Næstformaður / Umboð í AKF Sonni Seyer – Skrivari og kassameistari: Óla Jákup Bech – Nevndarlimur Kristian Niclasen – Nevndarlimur
Vit hava verið her fyrr, men tá var bygningurin nýgligani innilokaður og onki var gjørt innan. Tað var í novembur í 2019, at vit vitjaðu á politistøðini, nú hava vit kjansin at vitja aftur. Vit skula tó gera vart við, at tað ikki er vist, at vit sleppa runt í øllum bygninginum, orsaka av at gólvarbeiði eru í gongd.
Vitjanin verður hósdagin í komandi viku, tann 11. mars, broytt til 18. mars, klokkan 15:30. Møti stundisliga.
Vegna Korona støðuni er sera umráðandi at tekna seg til tiltakið, vit ynska at halda luttakara talið til 20 persónar. Tað verður við “først til mølle” prinsippinum. Tit sum longu hava boða frá eru enn á listanum, kunnast kann um, at pláss eru fyri 9 luttakarum aftrat.
Boða frá á teldusposti umsiting@fb.fo, tygum fáa svar um tú er við ella komin á bíðilistan.
Øll sum koma við, skula hava egnan hjálm, trygdar skógvar og endurskinsvest við. Eisini vilja vit minna á, at hava masku við.
Tiltakið er ókeypis. Felagið bjóðar kaffi og okkurt omaná.
Ársaðalfundur verður í hølum felagsins, í Tvørgøtu 3, leygardagin tann 27. februar kl. 19:00.
Skrá smb. lógum felagsins. Er aðalfundurin ikki viðtøkuførur, verður eykaaðalfundur kl. 19:15
Eftir aðalfundin verður ein fyrilestur um larm og ljóð viðurskifti í bygningum; Hallur Johannessen frá GADE & MORTENSEN • AKUSTIK A/S kemur at greiða frá.
Ongi uppskot til broytingar í viðtøkum felagsins hava verið fyri nevndini.
Allir byggifrøðingar eru vælkomnir, tó skal luttøka fráboðast á umsiting@fb.fo, í seinasta lagi hósdagin. Soleiðis at nevndin hevur tal á luttakarum og um neyðugt verður aðalfundurin fluttur í onnur hóskandi høli, til tess at kunna halda tilmæli um frástøðu.
Á hesi vitjanini verður serligur dentur lagdur á byggiháttin við modulum. Nikkel Petersen byggiteknikari hjá spf MARK kemur at vísa okkum runt og svara ymsum spurningum.
Vegna Korona støðuni er sera umráðandi at tekna seg til tiltakið, vit ynska at halda luttakara talið til 20 persónar. Tað verður við “først til mølle” prinsippinum. Boða frá á teldusposti umsiting@fb.fo , tygum fáa svar um tú er við ella komin á bíðilistan.
Øll sum koma við, skula hava egnan hjálm, trygdar skógvar og endurskinsvest við. Eisini vilja vit minna á, at hava masku við.
Tiltakið er ókeypis. Felagið bjóðar kaffi og wienarbreyð omaná.
Góðu tit øll, her kemur ein áheitan um at stuðla eini verkætlan, sum hevur til endamáls at lýsa, hvussu samfelagsligu átøkini í samband við COVID-19 ávirka sálarliga arbeiðsumhvørvið og sálarheilsuna hjá løntakarum.
Fakfelagssamstarvið heitir á allar løntakarar, eldri enn 18 ár, um at stuðla verkætlanini. Tú kanst stuðla við at luttaka í hesari spurnarkannig, fylg leinkjuni her;
Kanningin er dulnevnd. Ongar persónsupplýsingar verða umbidnar ella skrásettar. Tað tekur umleið 20 min. at svara spurningunum. Úrslitini verða almannakunngjørd, tá kanningin er liðug.
Um áhugi er at vita meiri um verkætlanina, so ber til at lesa um hana á heimasíðuni hjá heilsurøktarafelagnum, sí leinkjuna niðanfyri;
Á eyka aðalfundinum sum var hildin tann 19. februar, stóðu Anton Arge og Karl Martin Klein fyri vali og vóru afturvaldir sum nevndarlimir í 2 ár. Kristian Niclasen, Sonni Seyer og Helgi Johannesen standa fyri vali komandi ár. Eivind Danielsen og Gunnar Gunnarson, sum vóru valdir til eykalimir stillaðu ikki uppaftur í ár. Mogens Fríði Petersen, var boðin inn sum eykalimur og tók av.
Mánadagin, hin 2. mars var fyrsti nevndarfundur eftir aðalfundin. Nevndin skipaði seg soleiðis:
Helgi Johannesen – Formaður Anton Arge – Næstformaður / Umboð í AKF Sonni Seyer – Skrivari og kassameistari: Karl Martin Klein – Nevndarlimur Kristian Niclasen – Nevndarlimur Mogens F. Petersen – Eykalimur og grannskoðari Kirstin Hansen – Grannskoðari
Á hesi vitjanini verður serligur dentur lagdur á arbeiðsumhvørvið, tryg á arbeiðsplássinum. Kent Pedersen er ráðgevi í hesi verkætlan og kemur hann at greiða okkum frá, um hvussu tey loysa hesa uppgávu á hesum byggiplássinum.
Vitjanin verður mikudagin tann 23. oktobur, klokkan 16:00. Møti stundisliga.
Ikki limir sum ynskja at luttaka kunnu tekna seg sum lim áðrenn ella á byggipláss vitjanini. Ikki er neyðugt at tekna seg til tiltaki, men boða frá á teldusposti umsiting@fb.fo , so vit fáa eina hóming av hvussu nógv vit vera.
Øll sum koma við, skula hava egnan hjálm, trygdar skógvar og endurskinsvest við.
Tiltakið er ókeypis. Felagið bjóðar kaffi og wienarbreyð.
Á eyka aðalfundinum sum var hildin tann 20. mars, stóðu Kristian Niclasen og Sonni Seyer fyri vali og vóru afturvaldir. Av tí at 3 limir hava tikið seg úr nevndini í 2018, skula hesir sessir fyllast aftur, fyribils í eitt ár. Helgi Johannesen, Karl Martin Klein og Anton Arge stillaðu upp og eru settir sum nevndarlimir í 1 ár. Eivind Danielsen og Gunnar Gunnarson vóru valdir til eykalimir.
Mikudagin, hin 27. mars var fyrsti nevndarfundur eftir aðalfundin. Nevndin skipaði seg soleiðis:
Kristian Niclasen Formaður Helgi Johannesen Næstformaður Sonni Seyer Skrivari og kassameistari: Anton Arge Nevndarlimur / Umbið í AKF Karl Martin Klein Nevndarlimur Eivind Danielsen Eykalimur og grannskoðari Gunnar Gunnarson Eykalimur og grannskoðari
Hesar broytingar eru farnar fram í nevndini í síðsta ársfjórðingi í 2018:
Tríggir limir eru farnir úr nevndini í hesum tíðarskeiðnum. Elin á Heyggi er farin í barnsburðarfarloyvi og Helgi Johannesen tekur við sum nevndarlimur fyri hana. Jón Olafsson Sólsker steðgaði, tá ið hann gjørdis deildarleiðari á byggideildini á Landsverk. Um sama mundi valdi Eystein Sivertsen at taka seg úr nevndini. Nevndin takkar fyri tykkara innsats og ynskir tykkum alt tað besta.
Vanligt er í tílíkum førum, tá nevndin ikki er fullmannað, at kalla inn til eyka aðalfund. Men sambært viðtøkunum, kann man velja at lata standa til um tað framanundan er stutt til árliga aðalfundin og nevndin ikki tekur nakrar óvanligar ella stórar avgerðir. Hetta hevur eftirsitandi nevnd valt at gera. Vit fara at kalla inn til aðalfund í næstum og ynksja at gera vart við, at Føroya Byggifrøðingafelag við hesum hevur tørv á tveimum nýggjum nevndarlimum umframt tiltakslimir. Eru áhugaði kunna tit siga okkum í nevndini frá ella seta okkum spurningar um tit ivast í nøkrum.
Á aðalfundinum sum var hildin tann 20. mars stóðu Eystein Sivertsen og Bergur Olsen fyri vali. Bergur ynskti ikki at stilla upp aftur, Elin á Heyggi, sum var eykalimur undanfarna skeið, tók við sum nevndarlimur. Helgi Johannesen kom upp í nevndina sum eykalimur.
Seinasta fríggjadagin, hin 13. apríl var fyrsi nevndarfundur eftir aðalfundin. Nevndin skipaði seg soleiðis:
Kristian Niclasen Formaður
Eystein Sivertsen Næstformaður
Sonni Seyer Skrivari og kassameistari:
Elin á Heyggi Nevndarlimur
Jón O. Sólsker Nevndarlimur
Helgi Johannesen Eykalimur
Udgivet iFakfelagið, Tíðindi|Kommentarer lukket til Nevndin fyri 2018 er skipað
Aðalfundur verður í hølum felagsins, í Tvørgøtu 3, týsdagin tann 20. mars 2018, kl. 20:00. Skrá sambært lógum felagsins.
Er aðalfundurin ikki viðtøkuførur, verður eykaaðalfundur kl 20:15.
Kl 19:00, áðrenn aðalfundin, kemur Páll Nielsen, advokatur, at greiða frá um samráðingarhegni í samband við starvs- og lønarsamráðingar.
Í eina tíð hevur heimasíðan hjá byggifrøðingafelagnum ligi óvirkin, og í seinastuni hevur økisnavnið www. fb. fo eisini verið niðurlagt. Felagið hevur hetta seinasta árið arbeitt við, at gera eina nýggja síðu, har limirnir á sama hátt sum áður, hava møguleikan at kunna seg um felagið og onnur viðkomandi viðurskifti. Síðan er enn í gerð, men verður nú tøk hjá limunum, at fáa tað neyðugu kunningina aftur.
Heimasíða hjá Føroya Byggifrøðinga felag. Á heimasíðuni finnur tú millum annað tíðindi, lógir og slóðir. Hetta er staðið á alnótini har byggi-frøðingar kunna finna kunning um starvsfólkaviðurskifti.
FØROYA BYGGIFRØÐINGAFELAG 